ভূপৃষ্ঠৰ পৰা যিমানে ওপৰলৈ যোৱা যায় সিমানে বায়ুৰ চাপ কমি যায়। বায়ু চাপ কমিলে তৰলৰ অণুসমূহ আপেক্ষিকভাৱে কিছু মুক্ত হৈ পৰে আৰু কম উষ্ণতাতে তৰলৰ বাষ্পীভৱন ঘটে। পৰ্বতৰ ওপৰত বস্তু সিজোৱা কাৰ্যত ব্যৱহাৰ কৰা পানী এই কাৰণতে কম উষ্ণতাত উতলি বাষ্পীভূত হয়। বস্তু সিজাবলৈ ব্যৱহাৰ কৰা তাপ এই বাষ্পীভৱন কাৰ্যত বেছিকৈ ব্যৱহাৰ হয়। ফলত বস্তুবোৰে উপযুক্ত পৰিমাণৰ তাপ সোনকালে শোষণ কৰিব নোৱাৰে। ফলস্বৰূপে বস্তুবোৰ সহজে নিসিজে।